Сінкевіцкія Каласавіны – штогадовае свята, якое ладзіцца ў нашай навучальнай установе. Напярэдадні 135 гадавіны з дня нараджэння славутага беларускага пісьменніка Якуба Коласа ў актавай зале школы сабраліся аматары яго творчасці. Вучні з захапленнем прачыталі на памяць вершы, прадставілі пастаноўку ўрыўка з “Новай зямлі”, выканалі песню “Мой родны кут”. Арганізавала свята настаўніца беларускай мовы і літаратуры Ларыса Мікалаеўна Пятровіч.